Futzal üzrə Yunanıstan komandasının baş məşqçisi Yanis Ziavas DÇ-2024-ün seçmə mərhələsinin Azərbaycana qarşı keçirilən görüşünü şərh edib.
Sportinfo.az xəbər verir ki, yunanıstanlı mütəxəssis Bakıdakı 2:5 hesablı məğlubiyyət haqda bunları deyib:
“Oyun çətin alındı. Belə olacağını anlayırdıq. Azərbaycan bizdən güclüdür.
Şanslarımızdan istifadə etməyə çalışdıq. Rəqibin səviyyəsi ilə hesablaşa bilmədik. 0:4-dən sonra rəqib bir az arxayınlaşdı.
İlk oyunda da Azərbaycan öz səviyyəsini göstərmişdi. Azərbaycanı sevirik və bura gəldiyimizə görə şadam.
Burada oynamaq xoş idi. Azərbaycana uğurlar arzulayıram”.
