Avrokubok təmsilçiləri məlum oldu

17 May 22:20 Dünya futbolu 175
Avrokubok təmsilçiləri məlum oldu

Belçika Futbol Liqasının Baş Assambleyası ölkə çempionatında 2019/2020 mövsümünün vaxtından əvvəl yekunlaşdığını təsdiqləyib.

Sportinfo.az xəbər verir ki, 29 turun yekununda 70 xala malik "Brügge" tarixində 16-cı dəfə çempion adını qazanıb.

55 xala malik "Gent" ikinci, 54 xalı olan "Şarlerua" üçüncü yeri tutub. "Brügge" 2020/2021 mövsümündə Çempionlar Liqasının qrup, "Gent" III təsnifat mərhələsindən mübarizəyə başlayacaq.

"Şarlerua", "Antverpen" və "Standard" Avropa Liqasında çıxış edəcək. "Vasland-Beveren" isə elitanı tərk edib. Belçika çempionatında klublar 30 tur oynadıqdan sonra "6-lıq" sistemi ilə "pley-off"da yarışırlar.

Ölkədə idman yarışlarının keçirilməsi iyulun 31-dək dayandırılıb. Bunun əsasında liqanın vaxtından əvvəl yekunlaşdırılması və dayandırılma anınadək olan nəticələrin təsdiqlənməsi qərara alınıb.

Daha əvvəl Avropada Fransa, Hollandiya və Kipr çempionatları koronavirus pandemiyası ilə əlaqədar ləğv olunub.

Xəbər Lenti
26 May 22:40 Qurbanov lazım deyil?