Çempionlar Liqasının 1/8 final mərhələsi çərçivəsində "Yuventus" ilə “Olimpik” (Lion) arasında keçiriləcək cavab görüşünün vaxtı müəyyənləşib.
Sportinfo.az xəbər verir ki, Fransa təmsilçisinin prezidenti Jan-Mişel Olas oyunun avqustun 7-də Turində təşkil olunacağını açıqlayıb.
Matça azarkeş buraxılmayacaq. Olas Fransa Liqa 1-in ləğvi ilə bağlı Peşəkar Futbol Liqasına apellyasiya verdiklərini də xatırladıb. Onun sözlərinə görə, şikayət nəticə verməsə, "Olimpik"lə PSJ Çempionlar Liqasındakı rəqibləri tərəfindən məhv ediləcək.
PSJ artıq 1/4 finala yüksəlib. Lion təmsilçisi isə ilk görüşdə "Yuventus"a qalib gəlib - 1:0. Fransa Liqa 1-i koronavirus pandemiyası üzündən ləğv olunub və PSJ çempion elan olunub.