“Ötən mövsüm komandanın qarşısına “6-lığ”a vəsiqə qazanmaq hədəfi qoyulmuşdu“.
Bu sözləri Sportinfo.az-a açıqlamasında “Ximki-2“nin məşqçisi Emin Ağayev deyib.
Yaxınlarda Moskva klubunun əvəzedici heyətində Nazim Süleymanova köməkçi təyin olunan mütəxəssis onların qarşısına qoyulan hədəf barədə danışıb:
”Komanda tapşırığın öhdəsindən gələ bilmədi deyə, rəhbərlik baş məşqçi ilə yolları ayırmaq qərarına gəldi. Ardınca da bizə təklif olundu.
İndi ilk növbədə Premyer Liqada mübarizə aparan komandaya futbolçular hazırlamalıyıq. Qarşıda duran əsas məqsəd budur.
Üstəlik, 2005 və daha aşağı təvəllüdlü futbolçuları “Ximki-2”yə cəlb edib, oyun təcrübəsi qazandırmalıyıq”.
.jpg)
