"Konyaspor"da çıxış edən Mahir Emreli "CBC Sport" kanalına müsahibə verib.
Sportinfo.az xəbər verir ki, 26 yaşlı forvard Super Liqa klubuna keçidi haqda danışıb. M
illimizin hücumçusu "Konyaspor"da hər şeyin ürəyincə olduğunu bildirib:
"Son günlərdə bəzi reallıqları gördüm. Bundan sonra rəhbərliklə görüşdüm və ortaq məxrəcə gəldik.
Nəticədə "Konyaspor"a transferim gerçəkləşdi. Burada futbol baxımından hər şey ürəyimcədir.
Mənə xoş olan o oldu ki, tribunada Azərbaycan bayrağı asılıb. Bu gün də gedib görə bilərsiniz.
Bayrağın üzərində "Təşəkkürlər" yazılıb. Bu, mənim üçün çox özəl və dəyərli haldər.
Fikrimi tam olaraq qarşıdakı 5 oyuna yönəltmişəm. Sonda xeyirlisi nədirsə, o da olar".
"Konyaspor" Mahir Emrelini qış transfer pəncərəsi zamanı Zaqreb "Dinamo"sundan 6 aylıq icarəyə götürüb.
