Tula "Arsenal"ının əslən azərbaycanlı futbolçusu Ayaz Quliyev "Ximki"yə keçə bilər.
Sportinfo.az xəbər verir ki, bu barədə Premyer Liqa təmsilçisinin Müşahidə Şurasının üzvü Roman Teryuşkov açıqlama verib.
O, 26 yaşlı yarımmüdafiəçinin tezliklə komandaya cəlb oluna biləcəyini istisna etməyib.
Moskva "Spartak"ının yetirməsi olan Quliyevin "Arsenal" klubu ilə müqaviləsi 2023-cü ilin iyununda başa çatır. "Transfermarkt" ona 700 min avro qiymət qoyub.
