Azərbaycan millisinin futbolçusu Mahir Emreli "Dinamo"nun (Zaqreb) heyətində növbəti oyununu keçirib.
Sportinfo.az xəbər verir ki, 25 yaşlı hücumçu evdə "Draqovolyats"a 2:0 hesabı ilə qalib gəldikləri XXIX tur matçında forma geyinib.
Oyuna ehtiyatda başlayan Emreli 70-ci dəqiqədə Bruno Petkoviçin əvəzinə meydana daxil olub. 77-ci dəqiqədə o, fərqlənməyə yaxın olsa da, qüvvətli zərbəsini rəqib qapıçı dəf edə bilib.
Hesabı 46-cı dəqiqədə Komnen Andriç açıb. 81-ci dəqiqədə isə "Draqovolyats"ın futbolçusu İvan Smolçiç topu avtoqol edib.
Bununla da 28 oyundan sonra xalını 60-a çatdıran "Dinamo" birinci pillədə yer alıb. Zaqreb komandasının ehtiyatda bir matçı da var.
"Dinamo" (Zaqreb) - "Hrvatska Draqovolyaç" 2:0
Qollar: Andriç, 46, Smolçiç, 81-avtoqol
.jpg)
