Beyləqan rayon, Birinci Şahsevən kənd sakini olan Elşad Hüseynov da Vətən uğrunda qazi olan qəhrəman döyüşçülərimizdən biridir.
9 gün düşmən mühasirəsində qalan Elşad Hüseynov və döyüşçü yoldaşları Cəbrayıla aparan yolun açılmasına nail olublar.
Bədənin demək olar ki, bütün nahiyələrindən qəlpə xəsarətləri alan Elşad Hüseynov möcüzə sayəsində sağ qalıb.
Alın və baş nahiyəsindən aldığı üç qəlpə yarası onun həyatına son qoya bilərdi.
İki uşaq atası olan Elşad Hüseynovun indi ən əsas problemi sağ ayağından aldığı ağır xəsarətlə bağlıdır.
