Şəmkirin icra başçısı Alimpaşa Məmmədov futbola dair xüsusi göstəriş verib.
Sportinfo.az-ın məlumatına görə, o, rayonun bütün kənd və qəsəbələrinə yerlərdə futbol meydançalarının salınmasını əmr edib.
Eyni zamanda, məktəb direktorları və bələdiyyə sədrlərinə bu məsələdən irəli gələn təşkilati işləri həyata keçirməyi tapşırıb.
A.Məmmədov İcra Hakimiyyətinin (İH) idmanın bu növünə hərtərəfli dəstək verəcəyini açıqlayıb. Burada çalışacaq məşqçilərin əməkhaqqısı İH tərəfindən ödəniləcək.
Futbola yazılacaq yeniyetmə və gənclərin geyim təminatı, həmçinin inventar yerli idarəetmə orqanı tərəfindən alınacaq.
İcra başçısının göstərişinə əsasən, yanvarın sonu-fevvalın əvvəlində seleksiya xarakterli toplanışlar təşkil olunmalıdır. Seçim 8-15 yaşlı uşaqları əhatə edəcək. Perspektiv vəd edənlər UGİM və "Şəmkir"in nəzdində fəaliyyət göstərən komandalara cəlb ediləcək.
_1582308350.jpg)
