Yanvarın 28-də AFFA-nın Hesabat-Seçki konfransı olacaq. İclasda AFFA-nın növbədənkənar Konfransında qəbul olunmuş yeni Nizamnaməyə uyğun seçkilər keçiriləcək.
Həmçinin AFFA İcraiyyə Komitəsi üzvlərinin sayı artırılıb. Say 11-dən 13-ə çatdırılacaq. Eyni zamanda I vitse-prezident vəzifəsi ləğv olunub, əvəzində 1-i icraçı vitse olmaqla, vitse-prezident sayı 4-ə yüksəldilib.
Sportinfo.az-ın məlumatına görə, Rauf Əliyevdən sonra daha bir funksionerin yeni tərkibdə yer alacağı dəqiqləşib. 2004-cü ildən vitse-prezident vəzifəsini tutan Elşad Nəsirov səlahiyyətlərini yerinə yetirməyə davam edəcək.