«Araz Naxçıvan»ın məşqçilər korpusunda daha bir gözlənilməz ayrılıq yaşanıb.
Vadar Nuriyev və Rail Məlikovla bahəm, Xaqani Məmmədov da əsas komandada iş yerini itirib.
Əgər ilk iki məşqçi Elmar Baxşıyev tərəfindən buradan uzaqlaşdırılıbsa, sonuncunun göndərilməsi barədə qərar rəhbərliyə məxsusdur.
X.Məmmədov iki il «Qəbələ»də çalışıb. E.Baxşıyev Muxtar Respublika təmsilçisinin sükanı arxasına keçəndən sonra onu da özüylə bura gətirib.
Bugünlərdə nə baş veribsə, klub idarəçiləri digər məşqçilərdən fərqli olaraq, Məmmədovun 2 aylıq müqavilə müddətini uzatmaq istəməyib.
Baxşıyev yardımçısının düşərgədən kənarlaşdırılmasına öncə mane olmağa çalışıb. Yalnız rəsmilərlə görüşərək bəzi məlumatlar əldə edincə, fikindən vaz keçib, yumşalmaq məcburiyyətində qalıb.
SPORTİNFO,AZ
