.jpg)
Azərbaycan millisinin Qazaxıstanla oyundakı qazancı bəlli olub.
Sportinfo.az xəbər verir ki, Millətlər Liqasının VI turundakı 3:0 hesablı qələbə yığmamızın FİFA reytinqinə 8,2 xal gətirib.
Slovakiya ilə bundan əvvəlki görüşdə (2:1) 11,5 xal əldə edən Canni de Byazinin yetirmələri sentyabr matçlarını ümumilikdə 19,7 xallıq qazancla başa vurub.
Son FİFA reytinqində 1127,17 xalla dünyada 128-ci olan komandamız əmsalını 1146,72-yə yüksəldib.
Azərbaycan millisinin növbəti FİFA cədvəlində qərarlaşacağı yer digər komandaların qarşıdakı oyunlarından da asılıdır. Canlı siyahıda yığmamız 123-cü pillədədir.
