I Liqada XVIII tura yekun vurulub.

MOİK Binədə "Difai"nit qəbul edib.

Qarşılaşma "hərbçilər"in 3:1 hesablı qələbəsi ilə başa çatıb. Nəticə 90 dəqiqəlik mübarizənin ədalətini göstərmir.

«Fədailər» hələ ilk hissədə qalibiyyət zəngini çala bilərdi. Bunun üçün 3 real imkanları oldu.

Kristian Kamta və İlham Allahverdiyev ayağına gələn fürsətləri elə ayaqla da boşa verdi. Bir epizodda da top dirəkdən geri döndü.

Bu fraqmentlərin biri torun silkələnməsi ilə yekunlaşsaydı, Cavid Cəlilov da heç nə edə bilməyəcəkdi. Referi birinci dəqiqədən ta axıra kimi MOİK-ə simpatiya bəslədi,

«Difai»nin futbolçuları ilə acı/kobud danışdı, sarı vərəqələri göydə uçurtdu. Əlbəttə, baş hakim bu müddətdə tribunadan dəfələrlə sərt təpgi aldı, ünvanına xoş olmayan sözlər eşitdi.

Bir sıra azarkeşlər Cəlilovu tərəfkeşlikdə qınadı, o isə heç nə olmamış kimi «iş»inə davam etdi.

«Fit sahitbi»nin davranışını görən «Difai» fasilədən sonra təşəbbüsü ordu təmsilçisinə verməli oldu. Onlar da bundan istifadə etdilər.

Biri standart vəziyyətdən sonra olmaqla, ardıcıl üç qol vurdular. Xəyal Bədirov, Nihad Qurbanlı və Elmir Rəhimzadə MOİK-i 3 xala daşıdı.

Hesab 1:0 ikən, Allahverdiyev keçmiş komandasını cəzalandırmaq fürsətini yenə qaçırmasaydı, sonluq daha fərqli və gərgin alınacaqdı. «Fədailər»in təsəllisi Bayraməli Qurbanovun qolu oldu.

Bəxtinin gətirməsi sayəsində xallarını 35-ə yüksəldən MOİK turnir cədvəlinin 2-ci pilləsində qərarlaşıb. 12 xalı olan "Difai Ağsu" isə 9-cu yerdədir.

SPORTİNFO.AZ