I Liqada mübarizə aparan «Araz-Saatlı»nın rəhbərliyində yeni təyinat reallaşıb.
Şəhriyar Məmmədov aran klubunun idman direktoru təyin olunub.
O, «qırmızı-sarılar»a tanış biridir. Vaxtilə MOİK-də çalışmış Məmmədov ötən ilin ikinci yarısından oktyabr ayınadək «Araz»ın sükanı arxasında dayanıb.
Daha sonra onu baş məşqçi postunda Rüfət Quliyev əvəzləyib.
Saatlı təmsilçisi I Liqanı tərk etməyə ən real namizəd sayılır. Komanda 18 tura 4 xal toplayıb və turnir cədvəlinin sonuncu - 10-cu pilləsində yerləşib.
SPORTİNFO.AZ