I Liqada 20-ci tura yekun vurulub.
Çempionatda qalmaq uğrunda mübarizə aparan «Difai» Şamaxıda «Qaradağ Lökbatan»ı qəbul edib.
Burada hesab erkən açılıb. «Difai»nin iki müdafiəçisi - Coşqun Əsədzadə ilə Maqsum Qəmbərli arasında anlaşılmazlıq qonaqların qələbə çörəyinə ilk yağı sürtüb.
Onların səhvindən istifadə edərək qapıçıyla təkbətək çıxan Seyxan Fərəcov cərimə meydançası daxilində Əlirza Müştəbazadə tərəfindən kobudluqla dayandırılıb. Zərərçəkən penaltini qaçırmayıb.
8-ci dəqiqədə isə inanılmaz hadisə qeydə alınıb. Nominal ev sahiblərindən Kristian Kamta topla cərimə meydançasına qədər irəliləyib və topu qapıçının yanından «çərçivə»yə istiqamətləndirib.
«Qarabağ»ın müdafiəçisi Murad Qayalı topa gec çatıb, onda da «yuvarlaq meşin» xətti tam keçib. di gəl, referi İslam Məmmədov və köməkçiləri fərqli qərar edib, «fədailər»in təmiz qolunu saymayıb.
Ümumiyyətlə, o, oyunboyu «Qaradağ»a simpatiya bəsləyib və bunu əksər mübahisəli anlarda hiss etdirib.
Özünü Lökbatan təmsilçisinin qoruyucu mələyi kimi aparan «fit sahibləri»nin «Difai»nin futbolçularının əsəblərini tarıma çəkməsiylə yadda qalıb.
Qarşılaşmanın bundan sonrakı bölümü fərqli keçib. «Qaradağ» zəif təsir bağışlayıb, özünə bənzəməyib.
Turnir cədvəlinə başçılıq edən lider təəssüratı yaratmayıb. «Difai» onlardan daha istəkli mübarizə aparıb, xüsusən cərimə meydançasına kimi.
Bəs niyə uduzdular? Yenə də fərdi səhvdən. Benjamin Ebukanın orta səhədə topu adi vəziyyətdə itirməsiylə başlayan əks-hücum qonaqları istəyinə çatdırıb.
SPORTİNFO.AZ
Şamaxı şəhər stadionu. 70 tamaşaçı |
|
||
|