Divizionda yeni mövsümə hazırlığı davam etdirən "Şüvəlan" daha bir yoxlama oyunu keçirməyə hazırlaşır. Sportinfo.az xəbər verir ki, Aqil Nəbiyevin çalışdırdığı Şüvəlan təmsilçisi bu dəfə Azərbaycanın U-19 milli komandası ilə qarşılaşacaq. Matç avqustun 1-də "Dalğa Arena"da keçiriləcək və saat 18:00-da başlayacaq.
"Şüvəlan" hazırlıq çərçivəsində 5 yoxlama oyunu keçirib. Qəsəbə təmsilçisi "Qaradağ Lökbatan"ı 3:1, "Zirə"nin əvəzedici heyətini 5:0, "Sumqayıt"ın əvəzedicilərini 2:0 hesabı ilə məğlub edib, "Neftçi"yə 0:2, "Zirə"yə isə 0:4 hesabı ilə uduzub.
