“Düzdür, biz çempionata yaxşı başlamamışdıq, gözləmədiyimiz komandalar var idi“.
Sportinfo.az xəbər verir ki, bu fikirlər minifutbol üzrə “Zirə”nn baş məşqçisi Elşad Quliyevə məxsusdur.
Çempionlar Liqasında 3-cü yeri tutan kollektivin çalışdırıcısı buradakı rəqiblərin bu qədər güclü olacağını düşünməyib. O, milli ilə Avropa çempionu olduqdan sonra “Zirə” ilə əldə etdikləri nəticədən bu cür söz açıb:
“Biz bunu hesablamamışdıq. Amma sonradan özümüzə gəldik. Bu bizim üçün təcrübə idi. İlk dəfə idi ki, iştirak edirdik.
8 yeni oyunçumuz var idi və onlar komandaya qoşulanda vaxtımız az oldu ki, hazırlaşaq.
Onların adaptasiyası keçdikdən sonra nəticə gəlməyə başladı. İki məğlubiyyət yeni qoşulanların komandaya uyğunlaşmaması ilə bağlı idi”.
