“Böyük klublarda təcrübəli futbolçularla bir yerdə olmaq inkişaf üçün çox vacibdir”.
Bu sözləri Sportinfo.az-a açıqlamasında “Zirə”nin müdafiəçisi Fuad Bayramov deyib.
“Qartallar”ın bu yay “Şamaxı”dan birillik icarəyə götürdüyü arxa xətt oyunçusu bildirib ki, yeni klubu onun üçün böyük təcrübədir:
“Ötən mövsüm hədəfləri yüksək olmayan “Şamaxı”da idim. Bu gün isə avrokuboklara vəsiqəyə iddia edən “Zirə”dəyəm.
Bu, mənim üçün çətin deyil. Bilmədiklərimi başa salırlar, yaxud yeni nələrsə görüb-götürürəm.
Bu baxımdan “Zirə”də mənə çox rahatdır”.
