Türkiyənin Bolu şəhərində təlim-məşq toplanışında olan “Zirə” növbəti yoxlama oyununu keçirib.
Sportinfo.az xəbər verir ki, Rəşad Sadıqovun baş məşqçi olduğu komanda üçüncü sınaq matçında vaxtilə onun formasını geyindiyi “Kocaelispor”la üz-üzə gəlib.
“Fenerbahçe Topuk Yaylası”nın meydançasında təşkil olunan qarşılaşmada qapılara qol vurulmayıb – 0:0.
“Zirə” daha əvvəl keçirdiyi yoxlama oyunlarında “Fatih Karagümrük” ilə qolsuz, Tanzaniyadan “Simba”yla 1:1 hesablı heç-heçə edib.
