Türkiyənin Bolu şəhərində təlim-məşq toplanışında olan “Zirə” ilk yoxlama oyununa çıxıb.
Sportinfo.az xəbər verir ki, komanda “Fatih Karagümrük”lə qarşılaşıb.
“Fenerbahçe Topuk Yaylası”nın meydançasında keçirilən görüş 0:0 hesabı ilə başa çatıb.
"Zirə": Tiaqo Silva, Ruan Renato, Dimitrios Çantakias, Fuad Bayramov, Qismət Alıyev (k), Eldar Quliyev, İsmayıl İbrahimli, Abbas İbrahim, Andriya Lukoviç, Toni Qomes, Vladislav Kulaç
Ehtiyat oyunçular: Səlim Həşimov, Məmməd Hüseynov, Cavad Qurbanlı, İlqar Əhmədov, Slavik Alxasov, Pərviz Azadov, Mahmud Ağayev, İlkin Muradov, Filip Pahtmann, Vüsal Əliyev
“Fatih Karagümrük”lə Türkiyə Superliqasında mübarizə aparır.
"Zirə" Türkiyədə daha 2 yoxlama görüşü keçirəcək. Türkiyə 1-ci liqasında mübarizə aparacaq “Qaziantep”lə qarşılaşacaq komandanın sonuncu rəqibi hələlik məlum deyil.
Paytaxt təmsilçisi Bakıdakı toplanışı çərçivəsində "Kəpəz"lə qarşılaşıb və 2:1 hesabı ilə qalib gəlib.
