"Zirə" heyətini yeni qolkiperlə gücləndirib.
Sportinfo.az xəbər verir ki, qəsəbə təmsilçisi "Qarabağ"dan Məmməd Hüseynovu heyətinə qatıb.
1999-cu il təvəllüdlü qolkiper "Zirə" ilə birlikdə Türkiyə toplanışına da yollanıb. Onunla rəsmi müqavilə imzalanacağı gözlənilir.
Hüseynov "Qarabağ" yetirməsidir və U-17 yığmamızın sabiq qolkiperidir.
Bu yay Mehdi Cənnətovla vidalaşan “Zirə” portuqaliyalı qapıçı Tiaqo Silvayla münasibətlərini rəsmiləşdirib. 23 yaşlı qolkiper yeni komandası ilə 2+1 illik müqavilə imzalayıb.
Tiaqo Silva daha əvvəl ölkəsində “Gimaraeş”, “Leyşoeş” və “Trofense”nin şərəfini qoruyub.
