"Turan Tovuz"ın Belajdi Pusi ilə bağladığı müqavilənin müddəti məlum olub.
Premyer Liqanın debütantı adıçəkilən hücumçu ilə 1,5 illik (6 ay+1 il) kontrakt şərtlərini razılaşdırıb.
Albaniyalının buradakı gələcəyi komandanın elitada qalıb-qalmamasından asılıdır.
Qərb təmsilçisi yüksək liqada yerini qoruyarsa, onunla anlaşma avtomatik olaraq 1 il uzadılacaq. Bununla yanaşı, Pusinin əməkhaqqısı nəzərəçarpacaq dərəcədə artırılacaq.
Sözügedən forvardın 24 yaşı var. 2017-2020-ci illərdə «Vllajniya»nın formasını geyinən Pusi son iki mövsümü «Skenderbeu»da keçirib. O, burada 40 oyuna 6 qol vurub.
Tovuz klubunun daha əvvəl Moldova yığmasının müdafiəçisi Denis Marandiçlə "nigah" bağladığını xatırladaq.
SPORTİNFO.AZ