.jpg)
«Sumqayıt» növbəti problemdən yaxasını qurtarıb.
Klub rəhbərliyi əvəzedici komandanı əhatə edən qalmaqalın böyüməsinə imkan verməyib.
I Divizionda yarışan kollektiv maddi-texniki təhcizatı həllini tapmağa başlayıb. Artıq futbolçular yeni formalarla və digər geyim dəstləri ilə təmin olunub.
«Sumqayıt»lılar yeni mövsümə köhnə pal-paltarla start vermişdi. Hətta oyunçular meydançaya çıxmağa forma tapmırdı.
Rəhbərlik I Divizionda mübarizəyə start veriləcəyinə şübhə ilə yanaşdığından, əvəzedici komandanı diqqətdən kənarda qoymuşdu.
Çempionat başlayandan sonra da bu çatışmazlıqlar aradan qaldırılmamışdı. Və gözlənildiyi kimi, bu, ciddi söz-söhbətə, narazılığa gətirib çıxarmışdı.
Son anda problemin öhdəsindən Rəşad Məmmədov gəldi. Mətbuat katibi və akademiyanın baş koordinatorunun müavini postunu tutan R.Məmmədovun təkidi ilə klub prezidenti Riad Rəfiyev səhvini düzəltdi.
SPORTİNFO.AZ
