UEFA Millətlər Liqasının oyunları ilə əlaqədar çempionatda yaranmış fasilədən istifadə edən "Sumqayıt" yoxlama oyunu keçirib.
Sportinfo.az xəbər verir ki, "kimyaçılar" Bakı Olimpiya Stadionunun ehtiyat meydançasında "Səbail"lə qarşılaşıb.
Qarşılaşma 2:0 hesabı ilə Bayıl təmsilçisinin xeyrinə yekunlaşıb. Aftandil Hacıyevin yetirmələrindən Amil Yunanovla Bahadur Həziyev fərqlənib.
Bu komandaların Premyer Liqanın son turunda Bayıldakı görüşü də “Səbail”in 2:1 hesablı qələbəsiylə yekunlaşıb.
