"Azərbaycanda oynamış bir çox futbolçu daha əvvəl Avropanın nüfuzlu liqalarında çıxış edib".
Sportinfo.az xəbər verir ki, bu sözlər "Sumqayıt"ın iranlı legioneri Adəm Həmatiyə məxsusdur.
Bu mövsümdən ölkəmizdə özünü sınamağa başlayan müdafiəçi Premyer Liqada ulduz futbolçuların oynadığını bildirib: "Ötən il qanalı yarımmüdafiəçi Maykl Essyen burada oynayıb.
Həmçinin "Milan" və "Çelsi"nin sabiq qapıçısı Asmir Beqoviçi qeyd edərdim. Bu, liqanın səviyyəsinin yüksəlməsinə səbəb olub. Azərbaycan futbolu sürətlə inkişaf edir. Tezliklə Avropa standartlarına yaxınlaşacaq".
