.jpg)
Azərbaycan Premyer Liqasında V turun daha bir oyunu keçirilib.
Sportinfo.az xəbər verir ki, Qəbələ şəhər stadionunda eyniadlı komanda "Sumqayıt"ı qəbul edib.
Qarşılaşma 1:1 hesablı heç-heçə ilə başa çatıb. Matçda hər iki qol ilk hissədə vurulub. 26-cı dəqiqədə çempionatın bombardiri Əli Qurbani qonaqları hesabda önə keçirib.
Bu, 30 yaşlı oyunçunun cari mövsümdə 5-ci qolu olub. Cənubi azərbaycanlı forvard 12 dəqiqə sonra isə zədələnərək meydanı tərk edib. Hissənin əsas vaxtının başa çatmasına 1 dəqiqə qalmış meydan sahibləri tarazlığı bərpa ediblər. Bu, eyni zamanda matçın yekun nəticəsi olub.
Beləliklə, xalını 8-ə çatdıran "Sumqayıt"dan fərqli, "Qəbələ" 4 xalla sonuncu pillədən azad olub və 7-ci sıraya yüksəlib.
