Premyer Liqanın 4-cü turunda evdə “Qarabağ”la qarşılaşacaq “Sumqayıt” oyunun hazırlıqlarını davam etdirir.
Sportinfo.az xəbər verir ki, komanda Ayxan Abbasovun rəhbərliyi altında “Kapital Bank Arena”da məşqə çıxıb. Elvin Məmmədov və Mehdi Cənnətov fərdi hazırlıqla kifayətlənib.
Təxminən 1,5 saat davam edən məşqin əvvəlində fiziki gücün artırılması yönündə hərəkətlər icra edilib. Geridə qalan müddətdə isə müxtəlif toplu hərəkətlər üzərində çalışılıb. Məşqə ikitərəfli oyunla yekun vurulub.
“Sumqayıt” – “Qarabağ” qarşılaşması 25 sentyabr, saat 19:00-da “Kapital Bank Arena”da keçiriləcək. Matç CBC Sport telekanalı ilə canlı yayımlanacaq.
