«Sumqayıt»ın maliyyə vəziyyəti daha da pisləşib.
Sportinfo.az-ın məlumatına görə, «Azərikimya» klub qarşısında götürdüyü öhdəliyi növbəti dəfə yerinə yetirməyib.
Futbolçular 2, məşqçi və texniki personal 3 ayın maaşını hələ də almayıb. Baş sponsor maliyyə təminatında yaranan problemin səbəblərini «kimyaçılar»a açıqlamaqdan imtina edib.
«Gənclik şəhəri» təmsilçisi belə vəziyyətdə məsələni, güman ki, AFFA-dan aldığı maliyyə yardımının hesabına həll edəcək. Federasiyanın İcraiyyə Komitəsinin qərarı ilə kluba ayırdığı maddi dəstək paketinin ümumi həcmi 300 min manatdır.
