Sportinfo.az xəbər verir ki, «Sumqayıt» bu gün «Neftçi»nin qonağı olacaq.
Premyer Liqanın ilk turunda «Keşlə»yə öz meydanında uduzan «kimyaçılar» Bakı səfərinə ciddi hazırlıq görüb.
"Avropa Liqası bizim üçün bitib, bu, futbolçularımız üçün təcrübə oldu. Avrokuboku unudub çempionata köklənməliyik. Növbəti rəqibimiz "Neftçi"dir. Bizə Premyer Liqada xallar lazımdır, yaxşı nəticə üçün meydana çıxacağıq. Flaqman da ölkənin ən güclü komandalarından biridir".
"Sumqayıt"ın baş məşqçisi Ayxan Abbasov oyunöncəsi komandada itkinin olmadığını bildirib: "Oyundan əvvəl hamı rəqibə ciddi yanaşır və məğlub olmaq istəmir. Çempionatda marafon uzundur, hazırda II turdayıq. Biz də bu görüşə digərləri kimi məğlub olmamaq üçün çıxacağıq".