“Sumqayıt”ın legioneri Abu Dosso zədələnib.
Sportinfo.az xəbər verir ki, Fil Dişi Sahilidən olan müdafiəçi Premyer Liqanın XVII turunda “Kəpəz”lə keçirilən səfər oyununda sıradan çıxıb.
Qarşılaşmanın 40-cı dəqiqəsində sağ ayağından xəsarət alan 27 yaşlı oyunçu mübarizəni davam etdirə bilməyib.
Nəticədə məşqçilər korpusu məcburi əvəzetməyə əl atıblar. Onun yerinə burundili Tresor Mossi meydana çıxıb.
