.jpg)
“Böyük məşqçilik karyeram yoxdur, amma bu qədər zədələrlə üzləşdiyimi xatırlamıram”.
Bu sözləri Sportinfo.az-a açıqlamasında “Sumqayıt”ın baş məşqçisi Samir Abasov deyib.
“Kimyaçılar”ın çalışdırıcısı son vaxtlar zədə epidemiyası ilə addımbaşı qarşılaşdıqlarını bildirib:
“Komandanın əsas liderləri bir-bir sıradan çıxır. Daha əvvəl belə halla üzləşməmişəm.
Dəhşətdir! İsa Sulimanı, Kristian Velinovski, Rövlan Muradov, Kasimir Ninqa yoxdur. Abu Dosso da bu gün-sabahlıqdır.
Vüqar Mustafayev əməliyyata gedir. Zədəsi var idi.
Digər oyunçulara görə ondan xahiş etdik ki, “Turan”la qarşılaşmada forma geyinsin.
Çünki onu dəyişəcək Oktavio da zədədən yeni qayıdıb”.
