“Axtarışılarımızı dayandırmamışıq, iş gedir”.
Bu sözləri Sportinfo.az-a açıqlamasında “Sumqayıt”ın baş məşqçisi Ayxan Abbasov deyib.
Premyer Liqada yeni mövsümə “Keşlə” üzərində 2:0 hesablı səfər qələbəsi ilə start verən “kimyaçılar” transfer çalışmalarını davam etdirir.
Gənc çalışdırıcı ölkə xaricində çıxış edən 3 azərbaycanlı futbolçu ilə danışıqların ləng getməsinin səbəbini bu cür açıqlayıb:
“Burada əsas məsələ maliyyə şərtləridir. Onların istəkləri ilə bizim inkanlarımız üst-üstə düşməlidir.
Bəli, mən 3 transferin vacib olması fikrində qalıram. Amma bu, o demək deyil ki, bu transferləri edə biləcəyik. Hələ bəzi suallar açıq qalıb.
İkinci turdan sonra Premyer Liqada fasilə yaranacaq. Həmin müddətdə konkret addımlar atmağı planlaşdırırıq”.
