"Sumqayıt" Konfrans Liqasının II təsnifat mərhələsində cavab oyununa çıxıb.
Sportinfo.az xəbər verir ki, "Sumqayıt" "Kapital Bank Arena"da Serbiyadan "Çukariçki" ilə üz-üzə gəlib.
Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb.
6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb.
Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.