Konfrans Liqasının 2-ci təsnifat mərhələsinin cavab oyunu çərçivəsində keçiriləcək “Sumqayıt” – “Çukariçki” qarşılaşmasının matçöncəsi mətbuat konfransı iyulun 28-də, “Kapital Bank Arena”da təşkil olunacaq.
Sportinfo.az xəbər verir ki, “Sumqayıt”ın baş məşqçisi Ayxan Abbasov saat 18:10-da media mənsublarının suallarını cavablandıracaq.
Saat 18:30-da isə komandanın açıq məşqi (15 dəqiqə) keçiriləcək.
Yeri gəlmişkən, matçın bilet satışı başa çatıb. "Kontakt Home" mağazalar şəbəkəsinin "Sumqayıt-3" (10-cu mikrorayon) filialında təşkil olunan satışda bütün biletlər öz sahiblərini tapıb.