“Azərbaycan futbolunda işləyən bəzi insanlarla əlaqə saxlayırıq“.
Sportinfo.az xəbər verir ki, bunu “Çukariçki”nin direktoru Vladimir Matiyaşeviç deyib.
Serbiya klubunun rəsmisi Konfrans Liqasının II təsnifat mərhələsində “Sumqayıt” barədə fikirlərini bölüşüb:
“Bizim də sirrimiz yoxdur. Çünki burada bizimlə bağlı məlumat axtarırlar. “Sumqayıt” yaxşı komandadır, müdafiə oyunu göstərməyi daha çox xoşlayır.
Bir neçə sürətli oyunçulara malikdirlər, üstəlik, yerli vətəndaşlıq alan 2-3 əcnəbiləri də var. Onlara hörmət etməliyik, meydançada necə olacaqlarını görəcəyik”.
“Sumqayıt”la “Çukariçki” arasında ilk oyun iyulun 22-də Belqradda, cavab görüşü isə 29-da Sumqayıtda keçiriləcək.
