“Sumqayıt” Futbol Klubu ilə “Azeri Express” arasında əməkdaşlıq müqaviləsi imzalanıb.
Sportinfo.az xəbər verir ki, anlaşma 1 il müddətinə qüvvədə olacaq.
Nəzərinizə çatdıraq ki, sürətli poçt sahəsində 20 ildən artıq təcrübəyə malik və dünyanın ən böyük kuryer şirkəti olan FedEx-in Azərbaycanda rəsmi nümayəndəliyi olan “Azeri Express” rəsmi şəkildə 1997-ci ildə təsis olunub.
Bütün ölkəni əhatə edən daxili çatdırılma xidməti olan “Azeri Express” 1998-ci ildən TNT, 2018-ci ildən isə FedEx şirkətinin ölkəmizdəki təmsilçisidir.
Ölkəmizin bir çox nüfuzlu şirkətləri ilə əməkdaşlıq edən “Azeri Express” anbarlama, gömrükləmə və s. kimi hər növ logistika xidmətlərini özündə cəmləşdirir.
