"Sumqayıt" iyulun 2-də Azərbaycanı tərk edəcək.
Sportinfo.az-ın məlumatına görə, "kimyaçılar" həmin tarixdə Türkiyəyə yola düşəcək.
"Çukariçki" ilə UEFA Konfrans Liqasının II təsnifat mərhələsində qarşılaşacaq komanda 2 həftə müddətində qardaş ölkədə toplanış keçəcək. "Gənclik şəhəri" təmsilçiisi məkan olaraq Ankaranı seçib. Sparrinqlərə gəlincə, həmyerlilərimiz 3 belə görüşə çıxmağı planlaşdırıb.
Bir daha xatırladırıq ki, "Sumqayıt"la serblərlə keçirəcəyi ilk oyunun vaxtı dəyişdirilib.
Bu barədə Çukaritsa təmsilçisinin rəsmi saytı məlumat yayıb. İyulun 22-nə nəzərdə tutulan görüşün 1 gün tez olacağı bildirilib.
Buna səbəb həmin gün ölkənin digər klubu "Partizan"ın da Konfrans Liqasında Slovakiyadan "Dunayska Streda" ilə eyni şəhərdə ev oyununa çıxmasıdır.
UEFA-nın qaydalarına əsasən, eyni gündə bir şəhərdə avrokubok matçı oynanıla bilməz.Komandalar arasında cavab oyunu iyulun 29-da Sumqayıtdakı "Kapital Bank Arena"da olacaq.