.jpg)
«Sumqayıt»ın prezidenti Riad Rəfiyev şəhərin İcra Hakimiyyətinin (İH) başçısı Zakir Fərəcovun kluba diqqəti barədə danışıb.
Sportinfo.az xəbər verir ki, Premyer Liqanın bürünc medallarını əldə edən «kimyaçılar»ın bir nömrəli şəxsi İH rəhbərinin onlara münasibətindən razı qaldığını bildirib:
«Çox yaxşı və səmərəli görüş oldu. Sağ olsun, şəhərimizin başçısı komandamızı ziyarət etdi və qazandığımız nəticələrə görə təbriklərini çatdırdı.
Görüşdən hamı razı qaldı, yenidən ona təşəkkürümü bildirmək istəyirəm ki, bizimlə maraqlanıb və dəstək olub. İnanıram ki, gələcəkdə belə görüşlər çox olacaq. Klub büdcəsinin artırılma məsələsindən isə danışmaq istəməzdim».
