2021/22 mövsümü üçün transfer çalışmalarını davam etdirən "Sumqayıt" daha bir futbolçusu ilə müqavilə müddətini artırıb.
Sportinfo.az xəbər verir ki, mərkəz müdafiəçisi Höccət Haqverdi daha 2 mövsüm “Gənclik şəhəri” təmsilçisinin şərəfini qoruyacaq.
Azərbaycan yığmasının milliləşən legioneri 2021-ci ilin əvvəlində Sumqayıtın eyniadlı klubuna keçib.
Haqverdi ötən mövsüm 15 oyunda meydana çıxıb. O, həmçinin Azərbaycan millisinin son təlim-məşq toplanışı çərçivəsində Belarus və Moldova ilə keçirdiyi oyunlarda da çıxış edib.
@Sumqayıt” bunadək baş məşqçi Ayxan Abbasov, futbolçular Vurğun Hüseynov, Elvin Məmmədov, Murad Xaçayev, Vüqar Mustafayev və Aydın Bayramovla müqavilə müddətini uzadıb, Yusif Nəbiyev, Xəzər Mahmudov və Eltun Turabovun keçidini rəsmiləşdirib.