"Bu liqanı izləyirlər və burada özünü göstərmək imkanın daha genişdir".
Sportinfo.az xəbər verir ki, "Sumqayıt"ın iranlı legioneri Əli Qurbani belə bir etiraf edib.
Premyer Liqanın ilk yarısında 6 qol vuran hücumçunun sözlərinə görə, Azərbaycan çempionatı futbolçunun özünü göstərməsi baxımından normaal seçimdir:
"Futbolçu yaxşı səviyyədə çıxış edirsə, ona daha iddialı klublardan təkliflər gəlir. Açığı, İrana qayıtmaq barədə düşünmürəm.
Ümid edirəm ki, növbəti mövsümdən daha prestijli liqada və güclü komandada çıxış etmək üçün yayadək yaxşı oynayıb, qollarımın sayını artıracam.
Bilirsiz ki, Slovakiya çempionatında da oynamışam. Hətta Avropa Liqasında fərqlənmişəm. Hədəfim daha iddialı komandaya keçməkdir".
