“Sumqayıt-2”nin baş məşqçisi Zaur Hidayətovun koronavirusa tutulması təsdiqlənib.
Sportinfo.az-ın məlumatına görə, əvəzedici komandanı çalışdıran gənc mütəxəssisin testi pozitiv çıxdığından, həkim nəzarəti altına adınıb.
O, bu üzdən I Divizionun 10-cu turu çərçivəsində keçirilən “Keşlə-2” ilə oyunda (2:0) texniki zonadakı yerini almayıb.
Maraqlıdır ki, sumqayıtlı gənclər baş məşqçisinin yoxluğunda uğurlu çıxış etməyə başlayıb. İlk 8 turda 6 məğlubiyyət alan və 2 dəfə heç-heçə edən kollektiv son 2 həftədə MOİK ilə “Keşlə-2“ni üstələməyi bacarıb.
“Kimyaçılar“ bu uğurlu sıçrayış səbəbindən turnir cədvəlinin son pilləsini tərk edib və 7-ci yerə yüksəlib.
