Premyer Liqada mövsümü sonuncu pillədə başa vuran «Şamaxı»da ab-hava gərgindir.
Böyük uğursuzluq rəsmilərlə Cavid Hüseynovu üz-üzə gətirib.
Tərəflər arasında fikir ayrılığı sonuncunun komandanın sükanı arxasını tərk etməsiylə nəticələnib.
Ötən ilin yayında görəvə gələn və de-fakto baş məşqçi səlahiyyətlərini yerinə yetirən Hüseynov artıq buradan uzaqlaşıb.
AFFA «Şamaxı»nı yenidən Premyer Liqaya qaytarsa belə, o, əyalət klubunda işləməyəcək. Çünki gənc mütəxəssis idarəçilərdən çox narazıdır və onlarla çiyin-çiyinə çalışmağı artıq ağlının ucundan da keçirmir.
Odur ki, üçillik əməkdaşlıq planı qarşıdakı 2 ildə həyata keçməyəcək. Və layihəni təkrar gözdən keçirmək məcburiyyəti yaranıb.
SPORTİNFO.AZ
