“Səbail”in futbolçusu Polşaya yollanır.
Ötən ildən “dənizçilər”in sıralarında olan, lakin əsas komandada cəmi 1 oyunda forma geyinmək şansı qazanan 22 yaşlı yarımmüdafiəçi karyerasını Avropada davam etdirəcək.
O, panlar ölkəsinin təmsilçisi “Stomil Olıştın” klubu ilə anlaşıb. Fərəcov yanvarın 11-də Polşaya yola düşüb, ikinci liqa təmsilçisi ilə müqavilə bağlayacaq.
Olıştın təmsilçisi ötən mövsüm birinci dəstədə mübarizə aparıb. Hazırda yer aldığı liqada 19 turdan turdan sonra 33 xal toplamaqla 4-cü pillədə yer alıb.
“Neftçi”nin yetirməsi olan Orxan Fərəcov vaxtilə doğma komandası ilə yanaşı “Şamaxı”nın sıralarında olub. 2021-ci ilin yayından “Səbail”də çıxış edirdi.
HƏBİB / SPORTİNFO.AZ