Azərbaycan Premyer Liqasında çıxış edən daha bir komanda Türkiyəyə yollanıb.
Sportinfo.az xəbər verir ki, “Zirə”nin ardından bu dəfə “Səbail” Antalya şəhərinə gedib.
Bakı klubu yanvarın 17-dək Türkiyədə təlim-məşq toplanışında olacaq. Yeni baş məşqçi Şahin Diniyev bu müddətdə 3 yoxlama görüşündə komandasını sınayacaq.
“Səbail” yanvarın 8-də “Legiya” (Polşa), 12-də “Bohemians” (Çexiya), 16-da isə “Spartak”la (Serbiya) qarşılaşacaq.
“Səbail” ilk yarıdan sonra Premyer Liqada 10 xalla sonuncu pillədə qərarlaşıb.
