"Oyuna yaxşı hazırlaşmışdıq. Çətin olacağını bilirdik".
Bu fikirləri Sportinfo.az-a açıqlamasında "Neftçi"yə məğlubiyyət (1:3) barədə danışan Rəfael Məhərrəmli deyib.
"Səbail"in müdafiəçisi fərqli hissələr keçirdiklərini bildirib və bunun səbəblərini belə əsaslandırıb:
"İlk hissədə daha çox müdafiədə oynadıq. Əks-hücumlarda təhlükəli olduq. İkinci hissə vurduğumuz qoldan qoldan sonra tamam fərqli oynadıq.
Hətta bir neçə real qol imkanlarımız da oldu. Sadəcə, dəyərləndirə bilmədik.
Qol vuranda istər-istəməz motivasiya olur. Özünə inam yaranır. Qoldan sonra inandıq ki, qalib gələ bilərdik".
Komandasının yeganə qolunun müəllifi ən azı bir xalı haqq etdiklərini sözlərinə əlavə edib:
"Ən azı, bərabərə qala bilərdik. Buna yaxın idik. Təəssüf ki, epizodlarımız qolla nəticələnmədi. Oyunun qırılma nöqtəsi isə üçüncü qolu buraxmağımız oldu".
XANOĞLAN