"Səbail"in futbolçusu Tural Bayramlı klub rəhbərliyi tərəfindən böyük məbləğdə cərimələnib.
Buna səbəb onun Premyer Liqanın XI turunda "Samaxı" ilə görüşün (0:0) 42-ci dəqiqəsində qırmızı vərəqə almasıdır. "Dənizçilər" bunun üçün AFFA-ya 1600 manat ödəməli olub.
Cari mövsüm artıq ikinci dəfə meydandan qovulan yarımmüdafiəçinin maaşından 3000 manat tutulub.
Mahmud Qurbanov da 24 yaşlı orta sahə oyunçusuna öz sərt üzünü göstərib. Baş məşqçi Bayramlını əvəzedici heyətə göndərib. Bir daha geri qayıtmamaq şərtiylə.
SPORTİNFO.AZ