Bu gün Azərbaycan kubokunda 1/2 finalın daha bir cavab matçı keçiriləcək.
Bununla da ikinci finalçının adı məlum olacaq.
"Sabah" Masazırda "Qarabağ"la qarşılaşacaq.
Komandalar arasında keçirilən ilk oyun 2:2 hesabı ilə başa çatıb. Bu matçı kubokun erkən finalı da adlandırmaq olar.
Ötən mövsüm Azərbaycan kubokunun finalında da bu komandalar üz-üzə gəlib və "Sabah" 3:2 hesablı qələbə qazanaraq turnirin qalibi olub.
Finala yüksələn komanda həlledici oyunda "Zirə" ilə qarşılaşacaq. "Bayquşlar" yenidən finala vəsiqə qazanarsa, futbolçularına iri məbləğdə mükafat ödəyəcək.
Onun miqdarı bəllidir - adambaşı 20 min manat.
Maraq üçün deyək ki, Premyer Liqanın 28-ci turunda "köhlən atlar"ı 1:0 üstələyən masazırlılar çempionluq yolunda çox önəmli addım atıb.
Tofiq Bəhramov adına Respublika stadionunda qalib gələn komandanın hər bir üzvü 10 min manat irəli düşüb.
SPORTİNFO.AZ
