“Çempionat uzun marafondur.
Qarşıda çox oyunlar olacaq və rəqiblər də bizim kimi xallar itirəcəklər”.
Bu sözləri Sportinfo.az-a açıqlamasında “Sabah”ın futbolçusu Abdulax Xaybulayev deyib.
Azərbaycan millisinə də cəlb olunan yarımmüdafiəçinin şərəfini qoruduğu komanda cari mövsümə istədiyi kimi başlamayıb.
Masazır təmsilçisinin “Qarabağ”la görüşü təxirə salınıb, digər 3 qarşılaşmanın 1-də qələbə qazanıb, 1-də heç-heçəyə razılaşıb, digərində məğlub olub.
“Araz-Naxçıvan”, “Zirə”, “Turan Tovuz”, “Sumqayıt” kimi rəqiblərin qələbələri sıraladığı halda “Sabah”ın büdrəməsi acı sonluğa səbəb ola bilər.
Xaybulayev üzləşdikləri durumla bağlı komandası üçün həyəcan təbili çalıb:
“Startda yığılan xallar çox vacibdir.İ ndidən qələbələr qazanmalıyıq ki, sona yaxın kimdənsə asılı vəziyyətə düşməyək.
Fikir verirsinizsə, son 2-3 mövsümdə belə olur. Startda yaxşı başlamırıq, sonradan vəziyyəti düzəldirik. Ancaq hər dəfə belə etmək olmaz. Bundan nəticə çıxarmalıyıq”.
HƏBİB
