"Sabah" mövsümdə ilk qələbəsini son turda "Sumqayıt"ı məğlub (3:0) etməklə qazandı.
Masazır təmsilçisi qələbəyə sevinməklə bərabər, matçın gedişində böyük ümidlərlə komandaya gətirilən yeni transfer Peter Skuletiçi itirməyin üzüntüsünü yaşadı.
Belə ki, Serbiyalı hücumçu 42-ci dəqiqədə aldğını zədə səbəbindən yerini Fofana Tiemokoya verməli oldu.
Komandanın mətbuat xidmətininin rəhbəri Elnur Həmidov Sportinfo.az-a aıqlamasında forvardın son durumu ilə bağlı bunları deyib:
"Skuletiçin durumuna hələ dəqiq aydınlıq gəlməyib. Məşqlərə qoşulmayan forvard sabah MRT müayinəsindən keçəcək. Yalnız bundan sonra nəsə demək mümkün olacaq".
Xatırladaq ki, 31 yaşlı hücumçu "Sabah" formasında meydana çıxdığı 4 oyunda hələ də qol hesabını aça bilməyib.