Region Liqasında Şəmkiri təmsil edən “Qala” rayonun rəsmi dairələrinin etinasız münasibəti ilə üzləşib.
Yeni yaradılan klubun rəhbərliyi bir neçə dəfə İcra Hakimiyyətində olsa da, onları burada qəbul edən olmayıb.
İcra başçısı Rəşad Tağıyevla görüşmək istəməyən “Qala”nın funksionerlərina bildirilib ki, o, futbolla maraqlanmır və bu sahəyə diqqət ayırmağa vaxtı yoxdur.
Şəmkir təmsilçisi Region Liqasının debütantları sırasındadır. Şimal-Qərb və Qərb zonasında mübarizə aparan komanda ilk dövrədən sonra liderlər qrupunda yer alıb.
2021-ci ilin sentyabrında görəvinin icrasına başlayan R.Tağıyev hələ bir dəfə stadiona baş çəkərək, “Qala”ya dəstək verməyib.
SPORTİNFO.AZ
